Yo‘lyozma

24 May 2025

Кунок уйи топилди 😊

24.05.2025 00:06:55 UTC+05:00

1-кун.

Тошкент, Чимкент, Туркистон.

Чегарадан хеч кандай муаммоларсиз, тахминан 30-40 минутларда утиб олдик.

Коплонбекка утгандан кейин хар доимгидек бомбилалар домига тушдик. Хамма биздан каерга боришимизни сурар, биз эса хали билмаймиз деб жавоб берсак, улар нимагадар бизларни уйин киляпти деб бироз хам хафа булишарди. — Ха, хуп, охирги маршрут каер деган саволига, Баку деб жавоб берсак, баттар жигибийрон булишарди. Бир амаллаб улардан хам кутилдик 😉

Ростдан хам Чимкентда коламизми еки Туркистондами хали узимиз хам билмас эдик. Бизнинг сайехат шуниси билан кизик.

Таксист агалар билан хайрлашишга улгурмай, Фаррух эски танишларини куриб колди, бир канча фойдали маслахатлардан кейин, бизга узлигиси якиндагина Коплонбекка келган таксистни маслахат беришди, яъни Даулет акани. Чимкентгача икки киши учун 10,000 тенгега келишдик ва яна бир бошка, бегона клиентни озгина кутиб олгандан кейин каердасан Чимкент деб йулга чикдик.

Даулет ака йулда турли хил кизикарли вокеаларни айтиб кетди, ора-сирада энди сал-пал булса хам таниш одамга айланган бегона бола хам гапга кушилиб турди. Асли Каршилик экан, Чимкентда укир экан. Гап орасида, у паспортида Истамбул кириш-чикиш мухри булганлиги сабабли Россияга на осмон оркали, на ер оркали киргизишмаганини айтиб берди. Бу нарсани амалда бир неча кундан кейин синаб курамиз, сабаби Россияга бориш планимизда бор.

Чимкентда колмасликка карор килганимиздан сунг, Туркистонга йул олдик. Яп-янги, атига 3000 км юрган Кобальтни Даулет ага гаплашиб берди, киши бошига 2000 тенгедан. Кобальт хайдовчиси билан хам мазза килиб гаплашиб кетдик, у козок тилида, биза узбек тилида гапирсак хам, биз-биримизни яхши тушунар эдик. Хаммада булгани каби у хам биз билан уз дардини булишди. Унинг отаси Самаркандда автохалокат туфайли 76-ешида халок булган экан, айтишича кимдур Самарканд тарафда йулда уриб кетган экан. Биз унга хамдардлик билдирдик.

Йулда бир автомашина ердам сураб кулини кутариб турган экан, у тухтади, тухтаб олдига борганимиздан сунг карасак, Хоразм вилоятининг номери, балони тешилганлиги сабабли тухтаб турган экан. Унинг машинаси огирлиги туфайли, Кобальтнинг домкрати кайрилиб кетди ва биз уларга охиригача ердам беролмадик. Ха, айтганча, ердам сураган Форд эгаси, домкрат кайрилиб кетганидан сунг, Кобальт эгасига — Каспингни бер, пул ташлайман деса, — Йук, керак эмас деб пул олмади.

Яна машинага утириб, йулни давом эттирдик. Назаримда, Кобальт эгасининг домкрати кайрилиб кетганидан, унинг бироз кайфияти тушган эди.

Туркистонга хам етиб келдик. Биринчи масала бу кори гами эди, Кобальт эгаси бизга «Каусар» оилавий ресторанини таклиф килди ва бизга шу жой екди, мазза килиб коринни каппайтирдик.

Кейинги масала бу — еток. Бу масалани овкатланаетган пайтда, Букинг оркали, биз утирган жойдан 450 метро узоклида жойлашган квартира билан хал килдик. Икки кишига бир кеча учун 22 доллар. Уйлашимизча ажойиб нарх!

Иккита асосий масалани хал килгандан сунг, тунгги Туркистон кучаларини айландик, шахар сокин ва кенг экан, хаво хам роса мутадил булди, мазза килиб айландик.

Айланишдан кайтаетиб, ДЕМ супермаркетига кириб, завтрак учун тухум, чой, сув, апельсин соки, йогурт олдик. Адашмасам 7 долларча булди жами. Узимизда нон, енгок ва майиз бор.

23 май, 2025 йил. Туркистон шахри, Козогистон.