Yo‘lyozma

31 May 2025

Жавоб: «Москвада Сашаникида, Марьина Роща районида…»

Location

55.821842, 37.587588

31.05.2025 10:50:47 UTC+05:00

6-кун.

Уролдан Козонга

Уйку яхши булди. Манимча калла пишди. Соколим сал усган эди, киртишлаб куяколдим.

Енгил нонушта учун бисотимиздаги бор нарсалардан коникамиз. Нон, енгок ва майиз. Фаррухда сникерс ва печенье бор.

Уролдаги сафаримиз хам карияпти. Навбатдаги манзил Россия. Минивэн биз яшаган жойдан олиб кетяпти. Олдинда 86 ешли кария козок онахони яхши ниятлар тилаб кетяпти.

Олдимиздаги кария тенге алмаштирмокчи экан, факат битта жойда алмаштирар экан, ярим соатдан бери кидириб юрибмиз айнан уша «обменник» ни.

Козогистан чикиб кетаверишда, Россия тарафдан Хоразм вилояти ракамли минивэнига кузим тушди.

Бизнинг хайдовчи, навбат олинглар деб айтди, ва кийимларингни эхтиет килинглар, тепадаги кушлар «безаб» куйиши мумкин деб кушимча килиб куйди.

Фаррух, — сан нима решение берасан? — десам, бизда игналик килиб куйишади деди.

Козогистондан чикиб, Россияга хам Маштаково КПП оркали кириб олдик. КППда бармок изларини олишар экан, якинда куйган эмиш бир куп бориб келадиган аелнинг гапларига караганда. Бармок изларини оладиган ускуна рус ва тожик тилларида экан, демак тожиклар куп утар экан деб фикр сурдик. Кейин навбат бизга келганда, тожик тили узбек тилига алмашди, Фаррух билан иккимиз ЮИКСни зур килибди деб бир-биримизга айтдик. Энди Олдинда бизни Самара, кейин эса Козон кутиб турарди.

Самара вилоятида кетяпмиз, икки тарафимизда кенг далалар.

Олдинги уриндикдаги кария рус частушкаларини айтиб юборди. Фаррух неварасига айланиб улгурди.

Фаррухнинг айтиши буйича, Козогистонда бешбармок, Россияда эса купрок балик ейишмиз керак экан.

Ва нихоят Самара марказий автовокзалига этиб келдик соат тахминан 15:00 ларда. У ерда, Уролда гаплашган бир таксистни куриб колдик, у сал сасиб, ха, Рем оркали келдиларингми, канчага келдиларинг, - деб саволга тутди. Ман Козонгача 25 000 тенге булишини айтдим ва у билан хайрлашиб, узимизнинг масалалар билан шугулланишни бошладим.

Автовокзал биноси томонга караб турганимизда, еши каттарок таксист олдимизга тезда келиб, каерга кетишимизни суради, бизда таксист бор, бизга факат чемоданларни саклаш жойи керак, шу автовокзал биносида борми десак, бунака нарсалар бу ерда йук деб, тумсайиб оркасига кетди. Биз албатта унинг гапига заррача хам ишонмасдан бино ичига кирдик, 2 та аел ва битта эркак бизни карши олди ва текширув ускунасидан утказди ва биз нима кидираетганимизни айтганимизда, у, - хов анави ерга борасан деб, чемодан саклаш жойини курсатди. У ерда 25 йил олдин, Хужанддан кучиб кетган тожик киши ишлар экан, у билан бироз гаплашдик, ва бизлар учун чегирма килишни айтиб берди ва 2 та рюкзак ва 2 чемодан учун 600 беринглар деди, биз яна тортишиб 500 га тушурдик. У рози булди. Лекин биз нимагадур у бизни "едирди" деб уйладик :)

Самарадан Козонга соат 18:00 кетадиган булдик, таксистлар рейс буйича катнар экан. Биз уч соат ичида Самарани бироз булса хам айланишга карор килдик ва ЧатЖПТ биринчи булиб Волга буйи ва Ленинград кучаларига боришимизни маслахат берди. Вокзалдан чикиб ярим соатча пиеда юриб, такси чакиришга карор килдик. Еши 60 лардан ошган, бизга зиели булиб куринган амаки келди ва йул-йулакай Самара хакида гапириб кетди ва биз кетаетган жой яхшилигини айтди. Сохил буйига келиб айланишни бошладик, у ерда пляж хам бор экан, одамлар чумилиб етишибди, агар бизда купрок вакт булганида, биз хам чумилишимиз мумкин эди. Сохилдан сунг секин-аста Ленинград кучаси буйлаб, хар-хил биноларни томоша килиб расмга олдик. У ерда бир масжид хам бор экан, унинг хам атрофида айланиб расмга олдик.

31.05.2025 19:08:31 UTC+05:00

Козонга жунаб кетадиган вакт тобора якинлашиб бораетгани учун вокзал тарафга караб йул олдик, ва бир болалар кутубхонаси бизни узига жалб килди, Фаррухга юр, кирамиз десам, у унчалик хохламай рози булди. Ичкарига кирдик, бир аел утирган экан, биз унга китобларга кизикамиз, кирсак буладими десак, ха, бунинг учун ман сизларга ташриф буюрувчилар дафтарига езиб куяман деди. Дафтарга езиш вактида, - вой, сизлар айнан Тошкентданмисизлар?! Ха, десак, унда ман тилаклар дафтарамизга у бу нарса езиб беринг узбек тилида деди, езиш бериш пайтида, кутубхона директорини хам чакириб келди, булар Тошкентлан келишибди деб. Директор чикиб келди, болалар кутубхонасида узбек тилида битта китоб бор экан, ушани курсатишда, кейин узбек тили ва узбеклар боглик бошка китоблардаги маколаларни бирин-кетин курсата кетишди. Бир ойча олдин узбек тили билан табдир булган экан, уша табдирдан колган зар чупонни хам келтиришди. СММ билан шугулланадиган аел келиб, директор тушунтираетган пайтда, бизларни расмга олиб, кутубхона телеграм каналида чоп этишни бошлаб юборди. Биздан зар чупон ва чойнак гуллари нимага бунака эканлигида хакида суради, афсуски бизда маълумот йук дедик, ундай булса, ман сизларга айтиб бераман деб хар-хил кизикарли нарсаларни айтиб берди. Тахминан 40 минут музейда булди, ва Козонга кетадиган маршруткага кечга колдик, аксига олиб Самара кучаларида роса тирбандлик бошланди. Бу кечга колиш бизларга 500 рублга тушди.

Маршруткага чикканда, хамма кулай жойлар албатта банд эди, ман эшик тугрисида, Фаррух эса оркада икки кишининг орасига бир амаллаб тикилиб-сикилиб сигиб олди. Маршруткада бир йигит утирган экан, унинг бир оеги йуклиги дарров мани узига жалб килди...

Козонгача йул тахминан 5 соатни узи ичига олар экан, 3 соатлардан кейин бир кафе олдида тухтади, хамма дам олиши ва у бу нарса еб олиши учун 15 минутча тухтаб турдик. Ман хеч нарса емадим, сабаби йулда 4-5 та енгок ва 5-10 майиз еб олгандим. Адашмасам Фаррух сомса еди. Манга хам роса таклиф килди хар доимгидек, ман хам хар доимгидек жеркиб бердим :)

Татаристонга пойтахти Козонга хам хозиргина кириб келдик. Шахар кечкурун чиройли куринди. Бинолар чироклар билан ажойиб килиб еритилган. Кул Шариф ва Козон кремлининг хам биринчи марта кечкурун курдик.

31.05.2025 19:08:31 UTC+05:00

Йулда, танишим оркали Гвардейская кучасидаги мехмонхонани банд килгандик. Таксист билмас экан, мехмонхонадан 50-100 метр нарирокда ташлаб кетди. Гвардейская мехмонхонасининг рейтинг баланд булгани билан, бизга кандайдур бефайз жойга ухшаб куринди. Нарсаларни жойлаштириб, бироз дам олиб олгандан кейин, у бу емак кидириб кучага чикишга карор килдик. Ресепшндаги киз йук эди, унинг уринга ташкарида бир муйловли еши 60 ларга бориб колган татар киши турган эди. У нимагадур агрессия билан - Каерга кетяпсан кечаси? Сан бу ерга дам олишга келгансан, дам ол! - деди, бу нарсадан ман хайрон булдим. Корним оч ва чарчаганлигим сабабли, ман хам саломига яраша, алик бердим - ман мехмонхонада турибман, качон хохласам, ушанда чикиб кетаман, еки ички тартибингда фалон вактдан кейин чикиш мумкинмасми, агар булса, курсат, чикмайман дедим. Бундай жавобни у кутмаган шекилли, жахли баттар чикиб кетди, ман хам буш келмасдан, пулни кайтар, хозир кетаман дедим. Унинг сал шашти тушиб, анави ерда "Амбар" деган жой бор, баъзида очик булади деди. У жой епик экан, кейин уша кафе атрофларини айландик, хамма жой епик экан, дуконлар хам. Фаррух "Августин" дуконни куриб колди, кириб, ухлаш олдидан йогурт ичиб куяколишга карарок килдик. Йогуртни олиб, йул-йулакай ичиб кетдим. Мехмонхона тагида, бояги амаки кутиб турган экан, мани каттик гапларим унга таъсир килган шекилли, - кетмокчи эдингми? хозир пулингни кайтараман, кетасан! - деди, ман хуп, кайтар, кетаман дедим. Нимага катталарни хурмат килмайсан дейди? Ман, - ака, ман мехмонхонада турган булсам, у бу нарса егани чикмокчи булсам, нимага йулимни тухтасан дедим? Ман узбеклардан эшитганман, "Татар бор жойда, хатар бор" деб, яна дук-пуписа килишда давом этди, хозир милиция чакираман, наркотик ташлаб куйишади, депорт килишади деди, ман - бекорларнинг бештасини айтибсан дедим, у роса асабийлашар, мани уни кузатишда давом этдим, кейин ичкари кириб кета туриб, кузимдан йукол деб удагайлаб кетди. Хаелимда бу татар амакини узбеклар хафа килган, узбекларда алами бор шекилли деб номеримизга кириб кетдик.

28 май, 2025 йил, Козон шахри, Татаристон

31.05.2025 19:08:31 UTC+05:00

1 June 2025 →