Yo‘lyozma

7 June 2025

10-кун.

Бугун хам Москвада колдик.

Кечаги деярли 30,000 кадамдан кейин уйку роса зур булди. Беш минутга колмасдан ухлаб колдим шекилли.

Уйдан чиккунимизча соат 11 дан ошди. Бугун хам «Ором» га келдик. Бизга якин жойда экан ва бунинг устига овкатлари мазали. Олдида «Рахат» номли жой бор экан, Сашанинг айтиши буйича кимматмуш. Бу сафар, кеча Саша еган, товукли овкатни заказ килдим, роса екди. Хатто расмга хам олиб бордим, Тошкентга келганда кидириб курарман балким. Кафеда утирганмизда жалаб егди. Биз качон билет оламиз, каерга борамиз шу каби сайехат билан боглик булган масалални гаплашиб булгунимизча жала хам тинди.

Кафеда Сашанинг шимига овкат тукилиб дог булгани учун, у уйга кайтиб, бошка кийим кийиб чикди. Бахтимизга уйи якин эди, сабабни вактимизни бекорга сарфлаш истаги йук эди. Саша чиккунича, Фаррух билан сайехат масалаларини роса гаплашдик, тахлил килдик, кайси вариант яхшилиги хакида бахслашдик.

Бугун биринчи булиб Москва ситига бордик. Саша хар доимгидек кайси жойдан расмга олса чиройлини чикишини ургатишдан чарчамади. Ман хам унга кулок солмасдан чарчамадим. Федерация минорасининг ичига кирдик, эсдалик учун расмлар килдик. Саша бу ерда криптовалютчилар маконига айлаганини ва улардан ташкари, факат курьерлар учрашини айтиб берди. Офисдан чикмасдан, онлайн буюртма бериб утиришар экан хаммаси. Колган биноларни бирмунча томоша килгандан кейин, "Амфимолл" га кириб у ерда хам айландик. Жахонга машхур брендлар маълум сабабларга кура куч-куронини кутариб кетишган. Асосан махшур брендларнинг номига ухшатилган брендларга кузим тушди. Машхурлардан Хуавей дуконига бор экан, уша ерга кирдик, бирон нарса харид килиш умуман планда йук эди. Шундай булди хам. Сотувчи Узбекистонда бундай моделлар йук, булса хам киммат туришини айтди. Ман дарров интернетга кириб, МедиаПарк дуконида тахминан 500 доллар арзонга борлигини айтдим, сотувчи эса, у Хитойники булса керак, бу эса Глобал деди. Ман ха хоп деб куйдим. Фаррух агар екадиган футболка чикса, харид килиши мумкинлигин айтди, тайинли нарса чикмади. Танлов кам экан хайхотдек моллда. Саша, яхшиси Савелевский борамиз, уша ерда хам арзон, хам сифатли деди. Савелевский савдо маркази, манга Тошкентдаги "Пойтахт" савдо марказини эслатиб юборди. Фаррухга керакли нарса топилди.

Кийим-кечаклар кидириб топгунча, одамнинг роса тинкаси куриди, корин хам очди. Сашага, — шаурмани роса мактадинг, кел шаурма ейлик — дедим, у якин орада шаурма киладиган жой йук, шунга "Ростикс"га кирамиз деди, корин жуда оч булгани учун рози булдим. "Ростикс" олдинги "КФС" булган экан, мазаси худди шу узимизнинг "КФС"га ухшар экан.

Энди Москвадан кетишимиздан олдин ВДНХга борадиган булдик, аввал метрога, кейин монорельсга утириб ВДНХга бордик. Йул-йулакай Останкино телеминорасини ва студияларинг олдидан утиб кетдик. Демак куп нарсалар шу ерда булар экан... деган фикр хаелимдан утди.

Саша Москвага жуда кам вакт ажратганимиз учун жигибийрон булди, улдим деганда, камида 4 кун колиш керак деди. Бизга 4 кун кам эди, шунга 2 кун енгил-елпи булсам хам куриб куяколдик. Купрок муддатга кейин келармиз…

Болалар куни муносабати билан ВДНХда роса куп болалар куп экан. Кираверишидаги аркаси хам уйлаганимдан кура каттарок экан. Байрам муносабати билан хар-хил кунгилочар дастурлар булиб етибди. Ешлар севиб тинглайдиган Клава Кока исмли кушикча сахнада кушиб айтяпти. Кейин биз фонтан олдига бордик, у ерда узбек миллий кийимида ясалган хайкални томоша килдик, ундан кейин Узбекистон павильонга хам бордик. Фаррух унинг куриниши унчалик екмади, Хитойникига ухшаб колган деб уз фикрини билдирди. Кейин яна бошка фонтанлар бор экан, уларнинг хам олдига бордик, ундан кейин Як-42 самолетини, харбий вертолетни ва самолетни курдик. Космос билан боглик катта музей хам бор экан, у ерга кириб тулик айланмадик, сабаби кечки поездга шошаетган эдик.

ВДНХдан чикиб, автобусга утириб, Сашанинг уйига, чемоданларни олгани бордик. 10-15 минутда хаммасини тайер килиб, вокзалга отландик. Вакт такалиб бораетгани манга екмасди, Саша эса бемалол улгурамиз деб мани хотиржам килиб турарди. Такаб булса хам вокзалга этиб олдик.

07.06.2025 08:10:21 UTC+05:00

Биз вокзал таблосида Минскка кетадиган бошка ракамли поездни куриб, у кетадиган йулга туриб олибмиз. Бизнинг поезд эса, кушни йулда экан. Шундай килиб бизнинг поезд кетиб колди ва биз Минскка кетмадик. Москвада яна бир кун колиш бизнинг режамизда йуклиги учун Минскка кейин борамиз деб, Санкт-Петербургга кетадиган поездга билет олдик, у соат тунгги 2 ларда кетар экан. Билетларни сотиб олгандан кейин, Белорусский вокзалидан, Восточный вокзалида метрода бордик. Поездимиз кетишга хали тахминан 30 минутлар бор. Поезда кечаси келгани учун, хамма ухлаб етибди, бир амаллаб жойлашиб олдик.

1 ва 2 июнь 2025 йил, Москва, Россия

07.06.2025 08:10:21 UTC+05:00

Кавказга 😊

07.06.2025 18:23:58 UTC+05:00

8 June 2025 →